اسلام آباد – 29 مئي (اي پي پي) وزيراعظم محمد نواز شريف رمضان المبارڪ جي دوران بجلي جي لوڊشيڊنگ گهٽ کان گهٽ ڪرڻ جا حڪم ڏنا آهن. توانائي بابت ڪابينا ڪميٽي جي اجلاس جي صدارت ڪندي وزيراعظم محمد نواز شريف لوڊشيڊنگ جي موجوده شيڊول تي ڪاوڙ جو اظهار ڪيو، هن زور ڀريو ته سمورا لائين ڊپارٽمينٽ گرمين جي موسم دوران عوام کي وڌ کان وڌ رليف فراهم ڪرڻ جي مقصد کي سامهون رکندي فعال ۽ حل تي ٻڌل سوچ اختيار ڪن. وزيراعظم چيو ته حڪومت بجلي جي کوٽ سبب عوام جي مسئلن کان چڱي ريت آگاهه آهي ۽ ان وقت تائين آرام سان نه ويهندي جيستائين عوام کي رليف نٿو ملي وڃي.