اسلام آباد – 24 مئي (اي پي پي) وزيراعظم محمد نوازشريف چيو آهي ته پاڪستان مسلسل اقتصادي ترقي جي ڪري غير ملڪي سيڙپڪاري جي لاءِ شاندار موقعا پيش ڪري رهيو آهي، ملڪ جو ريگوليٽري ۽ سپروائيزري فريم ورڪ گهڻو ترقي پسند آهي ۽ عالمي سيڙپڪارن کي بهترين فضا فراهم ڪري ٿو. هن اها ڳالهه اسٽينڊرڊ چارٽرڊ بئنڪ جي چيئرمين جوزي وينالز سان ڳالهائيندي چئي. وزيراعظم چيو ته پاڪستان جي بئنڪاري شعبي وقت گذرڻ سان گڏ متاثر ڪندڙ ۽ مستحڪم انداز ۾ ڪارڪردگي جو مظاهرو ڪيو آهي، هن چيو ته واڌ تي ڌيان ڏيندڙ پاليسين جي ڪري پاڪستان جو شمار هاڻي اڀرندڙ منڊين ۾ ٿئي ٿو.
