اسلام آباد – 23 مئي (اي پي پي) صدر ممنون حسين چيو آهي ته ملڪ جي انتظامي ڍانچي جي استحڪام ۾ فيڊرل پبلڪ سروس ڪميشن جو ڪردار تمام اهم آهي. صدر اها ڳالهه ڪميشن جي چيئرمين نويد اڪرم چيمه سان ڳالهائيندي چئي جنهن ايوان صدر ۾ ساڻس ملاقات ڪئي. صدر چيو ته سول سروسز جي معاملن ۾ مختلف معاملن جي ديانتداري، غير جانبداري ۽ شفافيت سان انجام ڏيڻ اڻٽر آهي ته جيئن ملڪ جو انتظامي ڍانچو پوري ذهني اطمينان سان پنهنجا فرض ادا ڪري سگهي.
