حيدرآباد – 27 مارچ (اي پي پي) وزيراعظم محمد نواز شريف چيو آهي ته وفاقي حڪومت پاران شروع ڪيل ترقياتي منصوبن مان سنڌ صوبي سميت سڄي ملڪ ۾ ترقي جو نئون دور شروع ٿيندو. هن اها ڳالهه زندگي جي مختلف شعبن سان تعلق رکندڙ ماڻهن جي وفد سان ڳالهائيندي چئي. وزيراعظم نواز شريف چيو ته حڪومت سنڌ ۾ ڪيترائي وڏا ترقياتي منصوبا شرو ڪيا آهن جن جي مڪمل ٿيڻ سان صوبي جي عوام کي سهولت ملندي. قومي اسيمبلي ميمبر سيد وسيم حسين جي قيادت ۾ متحده قومي موومينٽ پاڪستان جي پارليامينٽ ميمبرن جي وفد وزيراعظم کي حيدرآباد جي شهرين کي درپيش مسئلن کان آگاهه ڪندي هن تاريخي شهر جي لاءِ خصوصي ترقياتي پئڪيج جو اعلان ڪرڻ تي زور ڏنو.