اسلام آباد – 09 فيبروري (اي پي پي) صدر ممنون حسين سان بي آءِ ايس پي جي چيئرپرسن ماروي ميمڻ ڪالهه خميس ڏينهن ايوان صدر ۾ ملاقات ڪئي ۽ کيس قومي سماجي اقتصادي رجسٽري (اين ايس اي آر) اپ ڊيٽ لاءِ ڪيل سروي بابت بريفنگ ڏني. صدر اين ايس اي آر اپ ڊيٽ جي لاءِ جاري پائلٽ سروي جي ڪاميابي تي بي آءِ ايس پي انتظاميا کي ساراهيو ۽ چيو ته سروي ۾ گڏ ڪيل انگ اکر موثر پاليسي سازي جي لاءِ تمام اهم هوندا. اين ايس اي آر هڪ قيمتي اثاثو آهي جنهن کي نه رڳو حڪومت استعمال ڪري رهي آهي پر ٻيا ادارا به غريبن جي ڀلائي لاءِ ترقياتي پروگرامن جي ڊيزائننگ ۽ عملدرآمد جي لاءِ اين ايس اي آر جي ڊيٽا کي استعمال ڪري رهيا آهن.
