اسلام آباد – 08 فيبروري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان وزيراعظم جي نون منصوبن جا ڦيٿا ڪاٽڻ کان ڊنل آهي ۽ بوکلاهٽ جو شڪار آهي، 20 ڪروڙ عوام جي خواهش آهي ته ڪڏهن عمران خان جي واتان سٺي ڳالهه نڪري. عمران خان جي بيان تي پنهنجي ردعمل ۾ اطلاعات ۽ نشريات واري مملڪتي وزير مريم اورنگزيب چيو ته خان صاحب ڪي پي ڪي ۾ احتساب ڪميشن کي تالو لڳرائڻ کانپوءِ ڪهڙي منهن سان احتساب جي ڳالهه ڪري ٿو. هن چيو ته خان صاحب ڪي پي ڪي جي ماڻهن لاءِ ڪم ڪريو، پاڪستان سان محبت ڪريو، نفرت، تعصب ۽ ڇڪتاڻ واري سياست کان پاسو ڪريو.