اسلام آباد – 30 جنوري (اي پي پي) صدر ممنون حسين ۽ وزيراعظم محمد نواز شريف قومي معيشت جي استحڪام ۽ بدعنواني ۾ گهٽتائي بابت عالمي ادارن جي رپورٽ ۽ عوام جي زندگي جي معيار ۾ بهتري لاءِ حڪومت جي ڪوششن تي اطمينان جو اظهار ڪندي پاڪستان کي درپيش مسئلن تي ضابطو آڻڻ ۽ ترقي ۽ خوشحالي جي رستي تي گامزن رکڻ جي لاءِ اتحاد ۽ ٻڌي تي زور ڏنو آهي. ايوان صدر پاران جاري بيان موجب وزيراعظم محمد نواز شريف ايوان صدر ۾ صدر سان ملاقات ڪئي جنهن ۾ ٻنهي اڳواڻن قومي ۽ عالمي معاملن تي ڳالهه ٻولهه ڪئي وئي.
