اسلام آباد – 30 جنوري (اي پي پي) وزيراعظم محمد نواز شريف چيو آهي ته صحت جي معياري خدمتن تائين پهچ هر پاڪستاني جو پيدائشي حق آهي، بدقسمتي سان ڊگهي عرصي کان کين ان حق کان محروم رکيو ويو آهي. هن اهڙن خيالن جو اظهار هڪ اجلاس جي صدارت ڪندي ڪيو جنهن ۾ هن هدايت ڪئي ته قومي صحت پروگرام جو دائرو فاٽا، گلگت بلتستان ۽ آزاد ڄمون ۽ ڪشمير سميت پوري ملڪ تائين وڌايو وڃي ۽ نگراني جو سخت نظام جوڙيو وڃي ۽ عملدرآمد جي سطح تي نااهلي جي خلاف سختي ڪارروائي ڪرڻ گهرجي.