اسلام آباد – 30 جنوري (اي پي پي) وزيراعظم محمد نواز شريف چيو آهي ته موجوده حڪومت جون ترقياتي ۽ عوامي ڀلائي واريون اسڪيمون پاڪستان جي عوام جي خدمت ۽ ملڪ ۾ دستياب موقعن مان ڀرپور فائدو کڻڻ لاءِ صحيح رخ ۾ گامزن رکڻ جي لاءِ آهن. هن اها ڳالهه قومي اسيمبلي ميمبر غلام بي بي ڀروانه سان ڳالهائيندي چئي. ملاقات ۾ غلام بي بي ڀروانه چيو ته ملڪ ۾ سيڪيورٽي جي مجموعي صورتحال ۾ نمايان بهتري آئي آهي جنهن سان وزيراعظم جي قيادت ۾ اقتصادي استحڪام جي راهه هموار ٿي.