اسلام آباد – 28 جنوري (اي پي پي) سينيٽ ۾ قائد ايوان سينيٽر راجا محمد طفرالحق چيو آهي ته ڀارت کي يقين آهي ته جڏهن به ڪشميري عوام کان راءِ ورتي ويندي ته اهي پاڪستان جي حق ۾ ووٽ ڏيندا ۽ وزيراعظم محمد نواز شريف جي مضبوط موقف تي بيانن ۽ عالمي سطح تي ڪيل ڪوششن سان ڪشمير مسئلي جو حل جلد نظر اچي ٿو. اهڙن خيالن جو اظهار هن برهان واني جي شهادت کي 200 ڏينهن مڪمل ٿيڻ جي حوالي سان سيمينار ”ڪشمير مسئلي جي حل ۾ درپيش رڪاوٽون ۽ نوجوان نسل جون ذميواريون“ ۾ خصوصي مهمان جي حيثيت سان ڪيو.
