اسلام آباد – 17 جنوري (اي پي پي) صدر ممنون حسين چيو آهي ته غربت جي خاتمي لاءِ ضروري آهي ته امداد وٺندڙ عورتن ۽ خاندانن کي پنهنجي پيرن تي بيهارڻ جي لاءِ انهن کي ننڍي ڪاروبار ڪرڻ جي تربيت ڏني وڃي، ان پروگرام ۾ شفافيت کي يقيني بڻائڻ جي لاءِ بايوميٽرڪ سسٽم تحت سڃاڻپ جو جديد ۽ جامع نظام متعارف ڪرايو ويو آهي جنهن سان امدادي رقم جي ورڇ ۾ بدعنواني جو امڪان به ختم ٿي ويندو ۽ مستحق عوتن تائين امداد رقم وڌيڪ شفاف ۽ موثر طريقي سان پهچي سگهندي. صدر اها ڳالهه بينظير انڪم سپورٽ پروگرام جي سالياني جائزه رپورٽ جاري ڪرڻ جي موقعي تي بي آءِ ايس پي هيڊڪوارٽر ۾ هڪ خصوصي تقريب کي خطاب ڪندي چئي.
