سراجيوو – 21 ڊسمبر (اي پي پي) پاڪستان ۽ بوسنيا واپار، زراعت، ٽيڪسٽائيل، تعليم ۽ دفاعي شعبن ۾ ٻطرفي تعاون کي وڌيڪ مستحڪم ڪرڻ تي اتفاق ڪيو آهي. اهو اتفاق راءِ سراجيوو ۾ وزيراعظم نواز شريف ۽ سندس بوسنين هم منصب ڊاڪٽر ڊينس زيوزڊيڪ جي وچ ۾ نويڪلائي ۾ ملاقات دوران طئي ڪيو ويو. وزيراعظم محمد نواز شريف ان موقعي تي چيو ته پاڪستان بوسنيا سان لاڳاپن کي وڏي اهميت ڏي ٿو ۽ بوسنيا پاران واپار، دفاع ۽ ثقافتي شعبن ۾ گڏيل منصوبن جي آجيان ڪندو.
