اسلام آباد – 21 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب سمورين ڌرين جي تعاون سان پائيدار ترقي جا هدف حاصل ڪرڻ ۽ پاڪستان کي هڪ ترقي يافته، پرامن ۽ خوشحال ملڪ بڻائڻ جي عزم کي ورجايو آهي. پائيدار ترقياتي هدفن (ايس ڊي جيز) بابت قومي گول ميز ڪانفرنس جي افتتاحي سيشن کي خصوصي مهمان جي حيثيت سان خطاب ڪندي هن چيو ته پاڪستان دنيا جو واحد ملڪ آهي جنهن پائيدار ترقياتي هدف حاصل ڪرڻ ۾ نمايان اڳڀرائي ڪئي. ڪانفرنس جو گڏيل اهتمام پلان انٽرنيشنل ۽ ترقي، منصوبابندي ۽ سڌارن واري وزارت ڪيو هو جنهن جو مقصد پاڪستان ۾ پائيدار ترقياتي هدف حاصل ڪرڻ جي لاءِ ڪوشش کي اجاگر ڪرڻ ۽ پائيدار سماجي ترقي جي لاءِ پاليسي سازي ۾ نوجوانن کي شامل ڪرڻ جي امڪانن جو جائزو وٺڻ هو.
