پشاور – 15 ڊسمبر (اي پي پي) صدر ممنون حسين چيو آهي ته گذريل ڪيترن ئي ڏهاڪن کان مسئلا ۽ آزمائشن جو شڪار پاڪستان هاڻي اڏامڻ جي لاءِ تيار آهي، قومي معيشت ۾ بهتري جا امڪان روشن ٿي رهيا آهن، ان سلسلي ۾ چين اسان سان گڏ بيٺل آهي جڏهن ته وچ ايشيا جو پورو خطو انهن نون امڪانن ۽ تجربن ۾ اسان جو حصيدار بڻجڻ جو خواهشمند آهي. اهڙن خيالن جو اظهار هن غلام اسحاق خان انسٽيٽيوٽ آف سائنس اينڊ ٽيڪنالاجي (جي ڪي) ٽوپي صوابي ۾ شاگردن کي خطاب دوران ڪيو.
