اسلام آباد – 24 نومبر (اي پي پي) وزيراعظم محمد نواز شريف چيو آهي ته جنرل راحيل شريف ثابت ڪيو آهي ته هو بهترين سپهه سالار آهي جنهن جو تعلق ان خاندان سان آهي جنهن کي بهادري ۽ هيرو جي حثيت سان سڃاتو وڃي ٿو. بري فوج جي سربراهه جنرل راحيل شريف جي اعزاز ۾ ڏنل الوداعي آجياڻي کي خطاب ڪندي وزيراعظم چيو ته جنرل راحيل شريف جو خاندان قوم جي خدمت ڪندڙ ۽ فرض جي ادائيگي لاءِ پنهنجون جانيون قربان ڪرڻ جي روايت سان سڃاتو وڃي ٿو.