اسلام آباد – 23 نومبر (اي پي پي) وزيراعظم محمد نواز شريف 16 نڪاتي ايجنڊا تي غور لاءِ وفاقي ڪابينا جي اجلاس جي صدارت ڪئي. ڪجهه عوامي عهديدارن ۽عوامي نمائندن جي بنيادي پگهارن تي نظرثاني، سرڪاري خريداري قاعدي 2004ع ۾ ترميم، ڀارت ۾ تيار ٿيندڙ دوائن جي لاءِ عدم اعتراض جا سرٽيفڪيٽ جاري ڪرڻ، ڊزاسٽرمينيجمينٽ بابت آذربائيجان سان معاهدي ۽ ڪويت ۽ ڏکڻ آفريقا سان دفاعي تعاون جا ڌار ڌار معاملا ايجنڊا جو حصو هئا.
