اسلام آباد – 27 آڪٽوبر (اي پي پي) سينيٽ جي چيئرمين ميان رضا رباني چيو آهي ته امن جو قيام ۽ انساني حقن جي تحفظ لاءِ قومي ۽ عالمي سطح تي پارلياماني سفارتڪاري جي ذريعي قدم کڻڻ جي ضرورت آهي. ان حوالي سان لفظي قراردادن کان اڳتي وڌڻو پوندو، اهڙن خيالن جو اظهار هن جنيوا ۾ انٽر پارلياماني يونين جي جنرل سيڪريٽري مارٽن چو گانگ سان ملاقات ۽ پارليامينٽ جي ميمبرن جي حقن بابت ڪميٽي جي 40 هين سالگرهه جي موقعي تي خصوصي تقريب ۾ ڳالهائيندي ڪيو