اسلام آباد – 26 آڪٽوبر (اي پي پي) وزيراعظم محمد نواز شريف چيو آهي ته پاڪستان غربت ۾ گهٽتائي آڻڻ لاءِ علائقائي اتحاد جي ذريعي اقتصادي تعاون کي فروغ ڏيڻ لاءِ پرعزم آهي، علائقائي اتحاد، امن، استحڪام ۽ پائيدار اقتصادي ترقي جي لاءِ ”ڪاريڪ“ جو فورم حوصلي جوڳو آهي. هو وچ ايشيائي علائقائي اقتصادي تعاون (ڪاريڪ) جي 15 هين وزارتي اجلاس جي افتتاحي تقريب کي خطاب ڪري رهيو هو، وزيراعظم چيو ته ڪاريڪ هڪ اهم پروگرام آهي جيڪو فزيڪل نيٽ ورڪ، بنيادي ڍانچي، امن، استحڪام ۽ اقتصادي ترقي جهڙن وڏن شعبن ۾ علائقائي ملڪن جي حوصلا افزائي ڪري ٿو.
