ڪوئيٽا – 25 آڪٽوبر (اي پي پي) وزيراعظم محمد نواز شريف چيف آف آرمي اسٽاف جنرل راحيل شريف ۽ گهرو وزير چوڌري نثار علي خان سان گڏ سنڊيمن سول اسپتال ڪوئيٽا جو دورو ڪيو ۽ اتي پوليس ٽريننگ سينٽر تي دهشتگرد حملي ۾ زخمي ٿيندڙ ڪيڊٽس جي صحت معلوم ڪئي. وزيراعظم محمد نواز شريف ان موقعي تي لاڳاپيل عملدارن کي زخمين کي طبي علاج ۽ سهولتون فراهم ڪرڻ جي هدايت ڪئي ۽ چيو ته زخمين جي علاج تي ايندڙ سمورو خرچ حڪومت برداشت ڪندي. سرجيڪل ۽ آرٿوپيڊڪ وارڊز جي دوري جي موقعي تي وزيراعظم سمورن پوليس ڪيڊٽس جي خيريت معلوم ڪئي.