فيصل آباد – 08 آڪٽوبر (اي پي پي) وزيراعظم جي قومي تاريخ ۽ ادبي ورثي واري صلاحڪار عرفان صديقي چيو آهي ته عمران خان پنهنجي سياسي مفاد جي لاءِ قومي مفاد سان کيڏي رهيو آهي، ٽن سالن کان جاري ڌرڻن ۽ رستن جي سياست ڇڏي کيس نئين چونڊن جي لاءِ تياري ڪرڻ گهرجي. اها ڳالهه هن مسلم ليگ (ن) يوٿ ونگ پنجاب جي جنرل سيڪريٽري چوڌري ڪاشف نواز رنڌاوا جي رهائشگاهه تي يوٿ ونگ ضلعي فيصل آباد جي عهديدارن کي خطاب ڪندي چئي. هن چيو ته ٽن سالن جي عرصي ۾ مسلم ليگ (ن) جي حڪومت زندگي جي هر شعبي ۾ مثبت تبديليون ڪيون ان دوران دهشتگردي جي لعنت تي ضابطو آندو ويو.
