اسلام آباد – 21 سيپٽمبر (اي پي پي) قومي اسيمبلي جي اسپيڪر سردار اياز صادق چيو آهي ته پاڪستان ايشيا ۽ ان کان ٻاهر علائقائي تعاون ۽ رابطن کي وڌيڪ مستحڪم بڻائڻ جي لاءِ پرعزم آهي. پاڪ چين اقتصادي راهداري منصوبو پاڪ – چين مثالي دوستي جو مظهر ۽ ترقي جي سمورن شعبن ۾ تعاون کي وسيع ڪرڻ جي لاءِ اسان جي عزم جو اظهار آهي. چين (ارومچي) مان مليل اطلاعن موجب هن اهڙن خيالن جو اظهار ارومچي ۾ منعقد ٿيندڙ پنجين چين ايشيا ۽ يورپ ايڪسپو جي افتتاحي تقريب کي خطاب ڪندي ڪيو. سردار اياز صادق چيو ته قومن جي وچ ۾ مضبوط معاشي ۽ مالياتي تعاون علائقائي ۽ عالمي اقتصادي استحڪام جي لاءِ اڻٽر آهي.