گڏيل قومون – 20 سيپٽمبر (اي پي پي) وزيراعظم محمد نواز شريف چيو آهي ته ڪشميرين کي گڏيل قومن جي سلامتي ڪائونسل جي قراردادن موجب پنهنجي منزل جي تعين جي اجازت هجڻ گهرجي، جاپان والاريل ڪشمير ۾ ڀارت پاران انساني حقن جي خلاف ورزين جي خاتمي جي لاءِ پنهنجو اثررسوخ استعمال ڪري جڏهن ته جاپان جي وزيراعظم والاريل ڪشمير جي موجوده صورتحال تي گهري ڳڻتي جو اظهار ڪيو. وزيراعظم محمد نواز شريف گڏيل قومن جي جنرل اسيمبلي جي 71 هين اجلاس جي موقعي تي جاپاني هم منصب شنزو ايبي سان ملاقات ڪئي. هن چيو ته عالمي برادري گڏيل قومن جي سلامتي ڪائونسل جي قراردادن ذريعي ڪشميرين سان جيڪو واعدو ڪيو آهي اهو پورو ٿيڻ گهرجي.
