اسلام آباد – 06 سيپٽمبر (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته پاڪستان ڪشميري عوام جي اخلاقي، سياسي ۽ سفارتي حمايت جو عزم ڪيو آهي ۽ اسان جو اهو يقين آهي ته مسئلي جو حل ڪشميري عوام جي خواهشن موجب گڏيل قومن جي قراردادن تي عمل ڪرڻ ۾ ئي آهي. هن اها ڳالهه ڪشميري ميڊيا جي وفد سان ملاقات دوران چئي. ان موقعي تي وزيراعظم جو خصوصي معاون ڊاڪٽر آصف ڪرماڻي پڻ موجود هو. سينيٽر پرويز رشيد معصوم ڪشميرين تي ڀارتي فوج جي وحشياڻي ظلمن کي ڏاڍ قرار ڏيندي چيو ته اهڙيون دهشتگرد ڪارروايون ڪشميرين جي آزادي جي منصفاڻي نصب العين ۽ ان جي خودمختياري جي حق جي آواز کي دٻائي نه ٿو سگهي.
