اسلام آباد – پهرين سيپٽمبر (اي پي پي) صدر ممنون حسين چيو آهي ته برونائي دارالسلام پاڪستان جو انتهائي ويجهو ۽ بااعتماد دوست آهي، گڏيل لاڳاپن ۾ وڌيڪ گهرائي جي لاءِ سچائي سان ڪم ڪرڻ جي ضرورت آهي. هن اها ڳالهه برونائي دارلسلام ۾ مقرر ٿيندڙ هاءِ ڪمشنر ميجر جنرل (ر) طارق رشيد خان سان ڳالهائيندي ڪئي. هن چيو ته پاڪستان ۽ برونائي ۾ سيڙپڪاري جا ڪيترائي موقعا موجود آهن جنهن مان ٻنهي ملڪن جي سيڙپڪارن کي فائدو کڻڻ گهرجي.
