اسلام آباد – 17 جون (اي پي پي) گڏيل مفادن واري ڪائونسل تجويز ڪيل نيشنل اليڪٽريسٽي پاليسي 2021ع جي مسودي تي وڌيڪ غور لاءِ ڪميٽي قائم ڪري ڇڏي آهي، گڏيل مفادن واري ڪائونسل جو 46 هون اجلاس وزيراعظم عمران خان جي صدارت ۾ ٿيو، اجلاس ۾ نيشنل اليڪٽريسٽي پاليسي 2021ع جي مسودي تي تفصيلي غور ڪيو ويو. اجلاس ۾ ڄاڻايل پاليسي تي وڌيڪ غور لاءِ ڪميٽي جوڙڻ جو فيصلو ڪيو يو جيڪو سومر ڏينهن ٿيندڙ سي سي آءِ جي ايندڙ اجلاس ۾ حتمي مسودو پيش ڪندي، ڪميٽي ۾ ناڻي وارو وزير، توانائي وارو وزير، قانون وارو وزير، بجلي بابت خاص مددگار ۽ صوبائي وڏا وزير شامل آهن.
