اسلام آباد – 14 – جنوري (اي پي پي) وزيراعظم عمران خان راوي سٽي منصوبي ۾ مشهور عالمي سيڙپڪار ڪمپنين جي گهري دلچسپي ۽ ان ڏس ۾ معاهدن جي حوالي سان نمايان اڳڀرائي تي اطمينان جو اظهار ڪندي چيو آهي ته ان عظيم عاليشان منصوبي جي اهميت جي پيش نظر نه رڳو سيڙپڪاري جا موقعا پيدا ٿيندا پر عوام کي عالمي معيار جون رهائشي سهولتون به ميسر اينديون. هن اهڙن خيالن جو اظهار راوي اربن ڊولپمينٽ منصوبي تي اڳڀرائي، سينٽرل بزنس ڊسٽرڪٽ منصوبي ۽ والٽن ايئرپورٽ جي منتقلي جي حوالي سان جائزي اجلاس جي صدارت ڪندي ڪيو.
