واشنگٽن-28 جنوري (اي پي پي) آمريڪي پرڏيهي وزير انٿوني بلنڪن چيو آهي ته ايران جي 2015ع جي جوهري معاهدي جي مڪمل پاسداري ڪرڻ جي صورت ۾ آمريڪا معاهدي ۾ ٻيهر شامل ٿي ويندو. فرانسيسي خابرو اداري مطابق هن گذريل ڏينهن جاري ڪيل بيان ۾ ايران جي ايٽمي معاهدي ۾ ٻيهر شموليت جو اِشارو ڏيندي واضح نموني چيو ته جيڪڏهن ايران 2015ع ۾ پي 5 پلس ون يعني گڏيل قومن جي سلامتي ڪائونسل جي 5 مستقل ميمبر ملڪن آمريڪا، برطانيه، فرانس، روس ۽ چين ۽ يورپي يونين سان ٿيل جوهري معاهدي جي سي پي او اي جي مڪمل پاسداري جي خاطري ڪرائي ته آمريڪي صدر جوبائيڊن پنهنجي وعدي کي پورو ڪندي آمريڪا کي ٻيهر ايٽمي معاهدي ۾ واپس آڻيندو.
