اسلام آباد – 27 نومبر (اي پي پي) صدر ڊاڪٽر عارف علوي چيو آهي ته 17 هين چائنا آسيان ايڪسپو ۾ پاڪستان پاران 14 ڪاروباري ادارن جي شرڪت خوش آئنده آهي، چيني صدر شي جن پنگ جي قيادت ۾ چين تمام گهڻي اعتماد سان ڪورونا وائرس تي ضابطو آندو، هن ايڪسپو جو انعقاد ثابت ڪري ٿو ته چين واپار جي شعبي ۾ دنيا کي قيادت فراهم ڪئي آهي، پاڪ چين اقتصادي لنگهه سان وچ ايشيائي ملڪن سان رابطا قائم ٿيندا. ايوان صدر جي ميڊيا ونگ پاران جاري بيان موجب اهڙن خيالن جو اظهار هن چين جي شهر ناننگ گوانگشي ۾ 17 هين چائنا آسيان ايڪسپو جي تقريب کي ورچوئل خطاب ڪندي ڪيو.
