ڪوئيٽا – 22 آڪٽوبر اي پي پي) قومي اسيمبلي جي ڊپٽي اسپيڪر قاسم خان سوري چيو آهي ته قومپرستن ۽ مذهب پرستن عوام ۽ ملڪ لاءِ ڪجهه ناهي ڪيو، پي ڊي ايم جي مقصدن کان عوام باخبر آهي، عوام پهرين به مفاد پرست ٽولي کي روڪيو ۽ هاڻي به روڪيندي. پي ڊي ايم ۾ شامل هڪ قوم پرست پارٽي پنهنجي اقتداري دور ۾ صرف پنهنجي خاندان کي پروموٽ ڪيو، عوام ۽ صوبي جي لاءِ ڪو به ترقياتي ڪم شروع ناهي ڪرايو. اها ڳالهه ڊپٽي اسپيڪر قاسم سوري ميڊيا سان ڳالهائيندي چئي.
