اسلام آباد – 27 سيپٽمبر (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته ڪورونا وبا جي حوالي سان مخالف ڌر جي الزامن ۽ خدشن کي وقت غلط ثابت ڪري ڏيکاريو، ڏکين حالتن ۾ اعليٰ ڪارڪردگي ڏيکارڻ وزيراعظم عمران خان جي حقيقي سڃاڻپ آهي. پنهنجي هڪ ٽوئيٽ ۾ هن چيو ته ڪورونا کان وٺي عام ماڻهو جي صحت، روزگار ۽ ڪاروبار جي بحالي تائين حڪومتي پاليسين جا مثبت نتيجا نڪتا. هن چيو ته عمران خان جي ڪامياب ويزن جي گواهي انگ اکر ڏئي رهيا آهن.
