اسلام آباد – 16 سيپٽمبر (اي پي پي) اطلاعات ۽ نشريات واري وفاقي سيڪريٽري اڪبر حسين دراني چيو آهي ته پاڪستان ڪشمير جي منصفاڻي حل جي لاءِ ڪشميري عوام سان گڏ بيٺل آهي، دنيا جي سڀ کا وڏي جمهوريت جو دعويدار ڀارت والاريل ڪشمير ۾ رياستي دهشتگردي ڪري رهيو آهي، ڀارت مظلوم ۽ معصوم ڪشميرين تي بندشن جا پهاڙ بيهاري ڇڏيا آهن، والاريل ڪشمير ۾ صحافت جو آواز دٻايو پيو وڃي، ڀارت خطي جي امن کي تباهه ڪرڻ چاهي ٿو، پاڪستان جي اندر به دهشتگردي ۾ ڀارت ڪلڀوشن ياديو جي شڪل ۾ سڌوسنئون ملوث آهي. هو اطلاعات ۽ نشريات واري وزارت جي اهتمام هيٺ علائقائي ۽ عالمي ڏس ۾ ڀارت جي پرڏيهي پاليسي جي ڊي ڪوڊنگ جي عنوان سان پينل بحث ۾ ڳالهائي رهيو هو.
