اسلام آباد – 03 جولاءِ (اي پي پي) وزيراعظم عمران خان شيخوپوره جي ويجهو ريلوي ڪراسنگ تي ٿيندڙ حادثي تي افسوس جو اظهار ڪيو آهي جنهن جي نتيجي ۾ ننڪانه صاحب کان واپس ايندڙ سک ياترين سميت گهٽ ۾ گهٽ 20 ماڻهو فوت ٿيا، پنهنجي ٽوئيٽ پيغام ۾ وزيراعظم عمران خان چيو ته ان حادثي تي تمام گهڻو ڏک ٿيو، وزيراعظم چيو ته هن زخمين جي بهترين علاج لاءِ حڪم ڏئي ڇڏيا آهن، هن حادثي ۾ فوت ٿيندڙن جي پوئينرن سان دلي همدردي ۽ تعزيت جو اظهار ڪيو.
