اسلام آباد – 23 مئي (اي پي پي) نيشنل ڊيزاسٽر مئنيجمينٽ اٿارٽي چيو آهي ته ڪوويڊ 19 جي لاءِ سمورن صوبن کي سامان جي ڇهين کيپ جي پهچ مڪمل ٿي وئي، سنڌ، آزاد ڪشمير ۽ گلگت بلتستان کي سامان موڪليو ويو. اين ڊي ايم اي جي ترجمان موجب سنڌ کي 52 هزار 500، آزاد ڪشمير کي 5 هزار 250 ۽ گلگت بلتستان کي 8 هزار 750 اين 95 ماسڪ موڪليا ويا. اين ڊي ايم اي جي ترجمان ٻڌايو ته 63 هزار پروٽيڪٽو سوٽ سنڌ، 6 هزار 300 آزاد ڪشمير ۽ 10 هزار 500 سوٽ گلگت بلتستان جي سامان ۾ شامل آهن. ان کانسواءِ فيس ماسڪ ۽ شيلڊز پڻ سامان ۾ شامل آهن.