اسلام آباد – 31 مئي (اي پي پي) نيشنل ڪمانڊ اينڊ آپريشن سينٽر (اين سي او سي) ڪورونا وائرس بات تازي اپ ڊيٽ جاري ڪري ڇڏي آهي، ملڪ ۾ ڪورونا جي ايڪٽو ڪيسن جو انگ 42 هزار 742، تصديق ٿيل ڪيسن جو انگ به 69 هزار 496 تائين پهچي ويو، گذريل 24 ڪلاڪن دوران 3039 نوان ڪيس رپورٽ ٿيا، 88 وڌيڪ فوتگين سان مجموعي فوتگيون 1483 ٿي ويون آهن. اين سي او سي موجب پنجاب ۾ ڪورونا وائرس ڪيسن جو انگ 25 هزار 56 تائين پهچي ويو، سنڌ ۾ 27 هزار 360 ڪورونا ڪيس رپورٽ ٿيا، خيبرپختونخواهه ۾ ڪيسن جو انگ 9 هزار 540 ۽ اسلام آباد ۾ 2428 ٿي ويو. بلوچستان ۾ 4193، گلگت بلتستان ۾ 678 ڪيس رپورٽ ٿيا. آزاد ڪشمير ۾ ڪورونا وائرس ڪيسن جو انگ 251 ٿي ويو.
