ڪراچي – 20 جنوري (اي پي پي) صدر ڊاڪٽر عارف علوي ڪراچي ۾ ٻارن جي 500 بسترن تي ٻڌل هڪ وڌيڪ اسپتال جي قيام جي ضرورت تي زور ڏيندي چيو آهي ته ڪراچي شهر سان گڏوگڏ ملڪ جي ٻين حصن مان خصوصي علاج لاءِ ايندڙ مريضن جي وڌندڙ تعداد کي نظر ۾ رکندي اهو تمام ضروري آهي ته سرڪاري اسپتالن تي بار وڌيڪ آهي ان سلسلي ۾ ٺوس ۽ ڊگهي مدي وارا قدم کڻڻا پوندا، نيشنل انسٽيٽيوٽ آف چائلڊ هيلٿ جي اوچتي دوري کانپوءِ ميڊيا جي نمائندن سان ڳالهائيندي صدر چيو ته ان دوري ۾ هن هڪ بستري تي چار کان پنج مريض ٻار ڏٺا آهن ۽ اهو انتهائي ڳڻتي جو سبب آهي.
