لاهور – 26 جنوري (اي پي پي) وزيراعظم عمران خان چيو آهي ته ترقياتي ڪمن جي حوالي سان ڪنهن به علائقي کي نظرنداز نه ڪيو ويندو، اسيمبلي ميمبر پنهنجي تڪن ۾ عوام سان ويجهو رابطو رکن ۽ انهن جي مسئلن جي ترجيحي بنيادن تي حل لاءِ ڪوششون ڪن، اسان جي منشور جو بنيادي عنصر ڪرپشن جو خاتمو آهي، اڄ دنيا پاڪستان کي سيڙپڪاري جي حوالي سان پرڪشش ملڪ طور ڏسي رهي آهي. وزيراعظم ميڊيا آفيس پاران جاري بيان موجب وزيراعظم عمران خان سان پنجاب مان چونڊيل پاڪستان تحريڪ انصاف جي قومي اسيمبلي ميمبرن ملاقات ڪئي.
