لاهور – 04 ڊسمبر (اي پي پي) 31 هين ايشين ايڊورٽائيزنگ ايڊ ايشيا لاهور ڪانفرنس ۾ ٻئي ڏينهن مقررين خطاب ڪندي چيو آهي ته پاڪستان ۾ ڊيجيٽل ميڊيا جي مارڪيٽ تمام بهتر آهي، هتي اچي احساس ٿيو آهي ته اڳ ۾ پاڪستان ڇو نه آياسين، هتي اچي تمام گهڻي خوشي ٿي ۽ پاڪستان بابت اسان جي سوچ تبديل ٿي وئي آهي، ٻاهرئين دنيا مان صنعتڪار پاڪستان ۾ سيڙپڪاري ڪرڻ چاهين ٿا، پاڪستان سيڙپڪاري جي لاءِ دنيا جو بهترين پليٽ فارم آهي، اشتهارن ذريعي سماج ۾ وڏي تبديلي جو سوچڻ وقت جي ضرورت آهي، ماڻهن ۾ عمل جي کوٽ آهي ان لاءِ انهن کي عمل تي اتساهڻ جي لاءِ صلاحيتن کي ڀرپور طريقي سان استعمال ڪرڻو پوندو.
