اسلام آباد – 12 ڊسمبر (اي پي پي) وزيراعظم جي اطلاعات ۽ نشريات بابت خاص مددگار ڊاڪٽر فردوس عاشق اعواڻ چيو آهي ته ليگي حڪومتي دور ۾ قطر سان ايل اين جي جي درآمد ۾ تمام گهڻيون بي قاعدگيون سامهون اچي رهيون آهن، 108 ارب جي بي قاعدگين ۽ صارفين کان ساڍا چار ارب اضافي وصولين جو جواب ڏيڻو پوندو، قومي خزاني کي نقصان پهچائيندڙن کان هڪ هڪ پائي وصول ڪئي ويندي. پنهنجي ٽوئيٽ ۾ هن چيو ته ليگي حڪومتي دور ۾ قطر کان ايل اين جي جي درآمد ۾ بي پناهه مالي بي قاعدگيون سامهون اچي رهيون آهن.
