اسلام آباد – 12 نومبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته مولانا ۽ ان جا ساٿي منفي سوچ ختم ڪن ۽ جمهوري رويو اختيار ڪن، انهن کي ان ڳالهه جو ڏک آهي ته ملڪ ۾ ڪجهه خاندانن بدران پهريون ڀيرو حقيقي عوامي راڄ ڇو قائم ٿيو آهي، وزيراعظم عمران خان معيشت صحيح رخ تي آڻي عوام جو روزگار ۽ ڪاروبار هلائڻ چاهي ٿو. پنهنجي هڪ ٽوئيٽ ۾ ڊاڪٽر فردوس عاشق اعواڻ چيو ته مولانا ۽ ان جا ساٿي منفي سوچ ختم ڪن ۽ جمهوري رويو اختيار ڪن، انهن کي ڏک آهي ته ملڪ ۾ ڪجهه خاندانن بدران پهريون ڀيرو حقيقي عوامي راڄ ڇو قائم ٿيو آهي.
