اسلام آباد – 08 نومبر (اي پي پي) قدرتي ماحول جو تحفظ اسان سڀني تي فرض آهي، گلوبل وارمنگ جي خطرن کي منهن ڏيڻ لاءِ عالمي سطح تي گڏيل طور تي ڪم ڪرڻ جي ضرورت آهي، ماحول جي تحفظ لاءِ اسان سڀني کي پنهنجو ڪردار ادا ڪرڻو پوندو، صدر ڊاڪٽر عارف علوي قدرتي ماحول جي تحفظ جي حوالي سان هتي منعقد ستين انٽرنيشنل يونين ڪانفرنس جي پڄاڻي واري سيشن کي خطاب ڪندي چيو ته قدرتي ماحول جي تحفظ لاءِ اسان سڀني کي گڏجي ڪم ڪرڻ گهرجي. هن چيو ته دنيا جي آبادي ۾ پيداواري صلاحيتن جي تناسب سان اضافي جي ضرورت آهي ته جيئن عوام جون ضرورتون پوريون ڪري سگهجن.
