APP40-14 ISLAMABAD: October 14 – Special Assistant to PM on Information and Broadcasting Dr. Firdous Ashiq Awan addressing a press conference at PID Media Centre. APP photo by Irshad Sheikh

اسلام آباد – 14 آڪٽوبر (اي پي پي) وفاقي ڪابينا سي ڊي اي کي ٻن سالن ۾ اسلام آباد جي ماسٽر پلان جي تياري جي هدايت ڪئي آهي، وزيراعظم مصنوعي طور تي ضرورت جي شين جي قيمتن ۾ ناجائز اضافو ڪندڙ عنصرن جي خلاف ڪريڪ ڊائون ڪرڻ، اويڪيو ٽرسٽ بورڊ سان گڏوگڏ اوقاف جي ملڪيتن کي سماجي مقصدن جي لاءِ استعمال ۾ آڻڻ جي لاءِ پڻ پلان جوڙڻ جي هدايت ڪري ڇڏي آهي، وزيراعظم عمران خان اڄ اڱاري ڏينهن سعودي عرب جو دورو ڪندو، اها او آءِ سي جي ملڪن کي گڏ ڪرڻ جي ڪوشش آهي. وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ وزيراعظم عمران خان جي صدارت ۾ ڪابينا جي اجلاس کانپوءِ ميڊيا کي بريفنگ ڏيندي ٻڌايو ته وفاقي ڪابينا کي اويڪيو ٽرسٽ بورڊ جي ملڪيتن جي حوالي سان تفصيلي بريفنگ ڏني وئي.