تهران – 13 آڪٽوبر (اي پي پي) وزيراعظم عمران خان ايران جو دورو ڪيو جيڪو نار ۾ امن ۽ سلامي جي فروغ لاءِ سندس قدمن جو هڪ اهم قدم آهي، وزيراعظم سان گڏ پرڏيهي وزير شاهه محمود قريشي، وزيراعظم جو سمنڊ پار پاڪستانين وارو خصوصي معاون سيد ذوالفقار عباس بخاري ۽ ٻيا اعليٰ عملدار پڻ وفد ۾ شامل هئا. وزيراعظم آفيس پاران جاري بيان موجب وزيراعظم عمران خان ايران جي صدر حسن روحاني سان پنهنجي ملاقات دوران ٻنهي ملڪن جي ويجهي روايتي تعاون ۽ تاريخي لاڳاپن تي روشني وڌي. وزيراعظم خاص طور تي واپار ۽ اقتصادي تعاون جي فروغ سميت مختلف شعبن ۾ ٻنهي ملڪن جي گڏيل لاڳاپن جي وڌيڪ استحڪام جي لاءِ پنهنجي عزم کي پڻ ورجايو.
