لاهور – 09 آڪٽوبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته مولانا فضل الرحمان اصولي بدران ڪجهه وصولي جي سياست ڪري رهيو آهي ۽ ضد، هٺ ڌرمي ۽ وزيراعظم سان ذاتي بغض تي ٻڌل بيانيو کڻي هلي رهيو آهي، پاڪستان سان محبت ڪندڙ ڪڏهن به اهڙي ذاتي ايجنڊا سان گڏ نظر نه ايندا. هو آل پاڪستان ٽيڪسٽائيل ملز ايسوسيئيشن (اپٽما) جي آفيس ۾ پريس ڪانفرنس کي خطاب ڪري رهي هئي. اپٽما جو صدر گوهر اعجاز ۽ ٽيڪسٽائيل انڊسٽري ٽاسڪ فورس جو چيئرمين احسن بشير پڻ ان موقعي تي موجود هئا.
