اسلام آباد – 14 آڪٽوبر (اي پي پي) برطانوي شاهي جوڙو شهزادو وليم ۽ شهزاديءَ ڪيٽ ميڊلٽن 5 ڏينهن جي دوري تي پاڪستان پهچي ويو آهي. نور خان ايئربيس پهچڻ تي پرڏيهي وزير مخدوم شاهه محمود قريشي ۽ سندس گهرواريءَ معزز مهمانن جي آجيان ڪئي. برطانوي شاهي جوڙي جي لاءِ ريڊ ڪارپيٽ وڇايو ويو ۽ ننڍڙن ٻارن گلدستا پيش ڪيا. پاڪستان ۾ برطانيا جو هاءِ ڪمشنر ٿامس ڊريو پڻ ان موقعي تي موجود هو. شاهي جوڙو لاهور، اسلام آباد ۽ اترين علائقن ۾ ويندو.
