اسلام آباد – 18 سيپٽمبر (اي پي پي) سينيٽ چيئرمين صادق سنجراڻي چيو آهي ته ڪشمير مسئلو دنيا جو اهم ترين مسئلو بڻجي چڪو آهي، پاڪستان ڪشميرين جي تحفظ، ڀلائي ۽ آزادي جي جدوجهد ۾ انهن سان گڏ بيٺل هو ۽ آخري دم تائين گڏ بيٺل رهندو، والاريل ڪشمير ۾ انساني حقن جي پائمالي، قتل ۽ غارت، ظلم ۽ بربريت کي روڪڻ لاءِ انساني حقن جون تنظيمون، او آءِ سي، گڏيل قومن جي سيڪيورٽي ڪائوسنل ۽ ٻيا ادارا ڪردار ادا ڪن. اهڙن خيالن جو اظهار هن سينيٽ جي اهتمام هيٺ قومي پارلياماني ڪشمير ڪانفرنس کي خطاب ڪندي ڪيو.
