مظفر آباد – 13 سيپٽمبر (اي پي پي) پرڏيهي وزير شاهه محمود قريشي چيو آهي ته ڪشمير جو سفير عمران خان ڪشميرين جو آواز گڏيل قومن ۾ کڻي وڃي رهيو آهي، پوري ڪشميري قوم عمران خان کي پنهنجو سفير سمجهي ٿي، ڀارتي وزيراعظم نريندر مودي ۾ همت آهي ته هو وزيراعظم عمران خان وانگر ڪشميري عوام کي خطاب ڪري ڏيکاري، مودي ۾ همت آهي ته هو ڪرفيو هٽائي ۽ پوءِ پنهنجو تماشو ڏسي. مظفرآباد ۾ ڪشميري عوام سان يڪجهتي جي اظهار لاءِ جلسي کي خطاب ڪندي پرڏيهي وزير شاهه محمود قريشي چيو ته مودي مائرن ڌيئرن جي سپوتن کي ڇو جيلن ۾ وڌو آهي، دنيا سوال ڪري رهي آهي ته آزاد ڪشمير ۾ ٽي وي ڏٺي پئي وڃي.
