اسلام آباد – 13 سيپٽمبر (اي پي پي) پرڏيهي وزير شاهه محمود قريشي چيو آهي ته ملڪي تاريخ ۾ پهريون ڀيرو موجوده حڪومت عالمي سطح تي ڪشمير مسئلي کي جهڙي انداز ۾ اٿاريو آهي ان سان ڀارت کي سلامتي ڪائونسل، يورپي يونين ۽ جنيوا سميت مختلف فورمز تي مايوسي کي منهن ڏيڻو پيو آهي. قومي اسيمبلي ۾ خيالن جو اظهار ڪندي پرڏيهي وزير شاهه محمود قريشي چيو ته مون کان وضاحت طلب ڪئي وئي آهي ته مون ڪهڙي انٽرويو ۾ چئي ڇڏيو آهي ته والاريل ڄمون ۽ ڪشمير ڀارت جو حصو آهي.