جنيوا – 10 سيپٽمبر (اي پي پي) پرڏيهي وزير شاهه محمود قريشي چيو آهي ته والاريل ڄمون ۽ ڪشمير ۾ ڏاڍ ۽ غيرآئيني ۽ غيرقانوني قدمن ڀارت جو اصل ڪردار بي نقاب ڪري ڇڏيو آهي جيڪو پاڻ کي جمهوريت، وفاقيت ۽ سيڪيولرازم جو ڳڙهه ٻڌائڻ جو ڍونگ ڪري ٿو، والاريل ڄمون ۽ ڪشمير ۾ ظلم ۽ زيادتين کي لڪائڻ جي ڪوشش ۾ انتهائي بي شرمي سان ڀارت دهشتگردي ۽ سرحد پار دهشتگردي جو ڪوڙو ليبل استعمال ڪري رهيو آهي. اهڙن خيالن جو اظهار هن جنيوا ۾ گڏيل قومن جي انساني حقن واري ڪائونسل جي اجلاس کي خطاب ڪندي ڪيو.
