اسلام آباد – 18 سيپٽمبر (اي پي پي) وزيراعظم عمران خان چيو آهي ته قصور واقعي تي سڀني جو احتساب ٿيندو، جن عوام جي مفادن جي تحفظ لاءِ ڪم ناهي ڪيو انهن کان پڇاڻو ڪيو ويندو. پنهنجي هڪ ٽوئيٽ ۾ وزيراعظم چيو ته قصور واقعي کانپوءِ صوبائي حڪومت ۽ پنجاب پوليس پاران مختلف قدم کنيا ويا آهن، ڊي پي او قصور کي هٽايو پيو وڃي، ايس پي انويسٽيگيشن قصور پاڻ کي قانون جي حوالي ڪري چڪو آهي ۽ چارج شيٽ کانپوءِ ان جي خلاف ڪارروائي جاري آهي.
