مظفر آباد – 13 سيپٽمبر (اي پي پي) وزيراعظم عمران خان چيو آهي ته عوام ڪنٽرول لائين طرف وڃڻ چاهي ٿي پر اوڏانهن وڃڻ جو وقت آئون ٻڌائيندس، پهرين مون کي گڏيل قومن ۾ ڪشمير جو ڪيس پيش ڪرڻ ڏنو وڃي ۽ دنيا کي ٻڌائڻ ڏيو ته جيڪڏهن ڪشمير جو مسئلو حل نه ٿيو ته ان جو اثر پوري دنيا تي پوندو، مودي ڪن کولي ٻڌي ڇڏي ته هاڻي سر جو جواب پٿر سان ڏينداسين، سڄي دنيا ۾ ڪشميرين جو سفير بڻجي ويندس ۽ انهن جو ڪيس وڙهندس، ڪشميرين کي مايوس نه ڪندس. اهڙن خيالن جو اظهار هن والاريل ڪشمير جي عوام سان يڪجهتي جي اظهار لاءِ مظفرآباد ۾ تاريخي جلسي کي خطاب ڪندي ڪيو.
